تجربتي لماسك الطين الهندي في تنظيف البشرة والرؤوس السوداء مزيل الحبوب ومعالج مشاكل البشرة

تجربتي لماسك الطين الهندي في تنظيف البشرة والرؤوس السوداء مزيل الحبوب ومعالج مشاكل البشرة 

 

 

 

 


تجربتي لماسك الطين الهندي في تنظيف البشرة والرؤوس السوداء مزيل الحبوب ومعالج مشاكل البشرة 

 

 من أكثر الماسكات اللي عليها تقييم عالي في المواقع العالمية و الشركة المنتجة توصفه بأنه "أكثر قناع فعال في العالم"، هو عبارة عن طين هندي طبيعي  مجفف تحت الشمس بدون أي إضافات أو عطور . مناسب لكل أنواع البشرة لأنه ما يسبب تهيج لكن أكثر النتائج المبهرة شفتها عند أصحاب البشرات الدهنية اللي فيها حبوب. شفت صور قبل و بعد من المستخدمين و انصدمت من فعاليته.

علميا ماسك الطين غني بالمعادن الطبيعية، لما ينحط عالوجه يكون طاقة سلبية negative تمتص الأوساخ و السموم اللي في البشرة لأن طاقتها إيجابية positive.

 

 

للبشرة الدهنية يخلط مع خل التفاح و للبشرة الجافة و العادية يخلط مع ماء الورد

 

 

وظيفته تنقية البشرة و تنظيف المسام و ينفع لكل الجسم مو بس الوجه ( فضيع للجسم بعد الحمام المغربي). أول ما تحطيه تحسي وجهك مشدود و ينبض و بعد عشرين دقيقيه تغسليه بماء دافئ و استمتعي ببشرة نظيفة من قلب. (ممكن وجهك يقلب أحمر لمدة نص ساعة بس طبيعي جدا )

علبته كبيييرة نص يعني ما يخلص أبدا.

حبيت نتائجه احس وجهي يسير افتح  و المسامات نظيفة ، حتا المكياج في اليوم اللي بعده غيير يكون مرتب و ما أحتاج احط كثير .كمان أستعمله في ماسكاتي الثانية اللي  بس أضيف ملعقة عشان فوائده .

 

أنصح فيه مرة خاصة للي يعانوا من مشاكل البشرة الدهنية لأن تجارب الأجانب الي قريتها تحمس جدا.

 

 

 

 

طريقة استعماله مع خل التفاح:

طبعاً خلطت ملعقة من الطين مع ملعقة من خل التفاح الطبيعي بأدوات موب معدنيه عشان ما يتفاعل مع الكالسيوم اللي فيه .. أول ما صبيت عليه الخل تفاعل وطلع فقاعات.. وبصراحه خفت وقلت ليكون يحرق وجهي .. بس جمدت قلبي وسميت بالله .. وخاصة أني شفت ناس كثيره مستعملينه معه والوضع عادي .. وعلى فكره بشرتي مختلطه .. فاللي بشرته جافه ولا حساسة تبتعد عن خل التفاح الطبيعي.. ومع خل التفاح صار متماسك أحسن من ماء الورد وكثيف وينمد بسهوله وماتعني وأنا أحطه على وجهي وحاس الدنيا زي ما صار لما حطيت معه ماء الورد .. وخليته ٢٠ دقيقه هامره .. القرص كان أكثر من لما خلطته مع ماء الورد .. بس المفاجئة لما جف وشد وجهي

من قوة الشد أرنبة أنفي ارتفعت لفوق وصرت أشوف فتحات أنفي على مستوى النظر   وخدودي ضغطهم لدرجة انتفخت المنطقة حول الفم اللي جنبها زي البالون لما تضغطينه من جهة وينتفخ من الجهة الثانية  

وقلت والله لأقاضيهم لو غسلته ومارجع كل شيء بوجهي لمكانه من جد أول مره يصير بوجهي كذا من ماسك وخاصة أني مجربه ماسكات قويه وحاره من قبل بس موب لدرجة هالقوه

المهم .. غسلته بماء دافئ ومازالت ألاقي صعوبة في غسله.. وصار الاحمرار أكثر من خلطه مع ماء الورد لكن شويات وراح الاحمرار .. والحمد لله وجهي ما تغيرت ملامحه

بس ياهو نظف من قلب .. حسيت صدق وجهي نظيف من قلب وناعم وهامره عطي نتيجة عليها القيمة .. طبعاً قبل الطين كنت مغسله وجهي بالصابونية اللي بالبوست السابق وفركتها بقفاز بودي شوب .. يعني غسول وتقشير بنفس الوقت .. وهالشيء نعمها وهيئها لاستقبال ماسك الطين وساعد في النعومة .. وبعدها مسحت وجهي بمنقوع المرة وماء الورد.. ومررت ثلج عشان يتسكر المسام .. وبعدها رطبت وجهي ورقبتي بكريم مرطب  والنتيجة ممتازة .. وجه نظيف ورطب وناعم بدون ما يكون مدهن .. والله عجبتني النتيجة جداً

 

 

بس هذا كل شيء إن شاء الله  انكم تستفيدوا من تجربتي ولا تبخلوا علي بدعمكم وتعليقاتكم هنا بالمدونة

اشوفكم على خير 💙💙💙💙💙